Archives

Unha comedia tola e denegrida na que, da man dun humor mordaz e corrosivo, no xeito peculiar de Martin McDonagh, zumegan temas tan candentes coma o racismo, o machismo e a xenofobia.

Cuarto ruín dun hotel cutre nunha anónima vila americana.

Carmichael, un supremacista branco estrafalario e agresivo, ofrece unha recompensa por recuperar a man que lle cortaron de adolescente nun acto de absurda violencia.

O mozo negro Toby e a súa noiva branca Marilyn pretenden enganar a Carmichael ofrecéndolle unha man roubada nun museo e que, polo escura que é, non parece ser a súa.

Mervyn, o recepcionista do hotel, un tipo estrambótico e algo surrealista, intervén en tan insólita transacción e desátase…

• Autor: Martin McDonagh
• Título orixinal: A Behanding in Spokane
• Elenco: Evaristo Calvo, María Roja, Santi Romay, Diogo Sales
• Escenografía e atrezzo: Pablo Giráldez “O Pastor”
• Vestiario: Martina Cambeiro
• Iluminación: Afonso Castro
• Música: Guillerme Fernández
• Axudante de dirección: Antonio Mourelos
• Dirección de produción: Belén Pichel
• Versión e dirección de escena: Cándido Pazó

Unha peza para público infantil e familiar que, nun ton poético e nunha estética fresca e luminosa, conta o relato dunha reconciliación, coa vida e co seu pai, dunha nena de dez anos ferida por unha perda traumática.

Unha nena perdeu prematuramente a súa nai e, desde entón, está enfadada co mundo. O pai non sabe como romper o muro de incomunicación no que se encerrou a filla e argalla un curioso sistema: escribirlle mensaxes en avións de papel que lle lanza cada día desde o balcón e onde lle encomenda pequenas tarefas diarias como, por exemplo, ir devolver un libro á biblioteca.

Unha bibliotecaria amena e espelida axuda á nena a descubrir o vínculo entre os libros e a vida, logrando establecer coa cativa unha relación divertida, construtiva e inspiradora. Moitos anos despois, a nena, agora escritora, voltará á biblioteca para contarnos aquela experiencia iniciática e sanadora.

• Autor: Harkaitz Cano
• Versión galega: Cándido Pazó
• Elenco: Paula Pier (A nena); Salvador del Río (O pai); Susana Sampedro (A bibliotecaria)
• Escenografía: Fernando Bernués
• Iluminación: Ximo Olcina
• Ilustracións proxectadas: Isabel Helguera
• Axudante de dirección: Antonio Mourelos
• Axudante de produción: Patricia Souto
• Directora de produción: Belén Pichel
• Dirección de escena: Fernando Bernués

75 minutos lembrando a figura de Carlos O Xetal. Diversión, emoción e reflexión nun espectáculo que reivindica a riqueza da tradición oral e a memoria rural como fonte expresiva na que ten de beber a lingua viva e con arelas de futuro

Noite de luar. Encrucillada de camiños. Entra en escena un home miúdo e melancólico. É o personaxe d’O Xestal.

Á luz dun candil, vestido de repoludo gaiteiro rosaliano, sáelle ao paso un mozo novo e garrido. É a morte.

O personaxe d’O Xestal négase a recoñecer a morte en tan atípica fasquía. Cando finalmente a recoñece resístese a seguila, establecéndose entre eles unha dinámica e amena tirapuxa na que se entreveran os episodios máis significativos da sufrida vida d’O Xestal con algúns dos seus contos máis divertidos.

• Autor: Cándido Pazó
• Elenco: Avelino González, Toni Salgado
• Escenografía e atrezzo: Pablo Giráldez “O Pastor”
• Vestiario: De cotío
• Cartaz: Juan Gende
• Técnica e Iluminación: Afonso Castro e Miguel Cabaleiro
• Música: Xurxo Souto e Richi Casás
• Técnico de grabación: Tomás Ageitos
• Dirección de produción: Belén Pichel
• Dirección de escena: Cándido Pazó

Baseado en “La Tribuna” de Emilia Pardo Bazán. Unha proposta dramatúrxica audaz que, con sete actrices en escena, conxuga o ton propio dun drama individual e colectivo como La Tribuna, con outros máis frescos e lixeiros, incluso cómicos por momentos, tan característicos da narrativa de Emilia Pardo Bazán.

Aínda bebendo significativamente da citada novela, Cigarreiras constitúe un produto literario-dramático derivado pero independente.

Un texto e un espectáculo que abordan unhas figuras (a de Pardo Bazán e a das cigarreiras), unhas situacións e unhas referencias históricas de marcado interese cultural, dando pé a tratar temas totalmente vivos hoxe en día: memoria colectiva, perspectiva de xénero, dialéctica de modelos sociais e políticos…

• Elenco: Tamara Canosa, Susana Dans, Merce Castro, Isabel Naveira, Covadonga Berdiñas, Casilda G. Alfaro e Ledicia Sola
• Escenografía: Dani Trillo
• Vestiario: Martina Cambeiro
• Deseño gráfico: Planb Estudio
• Iluminación: Afonso Castro
• Deseño espazo musical: Manuel Riveiro
• Produción executiva: Belén Pichel
• Adaptación e dirección: Cándido Pazó

Monólogo escénico-narrativo sobre o libro de Xosé Neira Vilas, no 50 aniversario da súa primira publicación. “Memorias dun neno Labrego”: En 1961 publicouse en Buenos Aires un dos libros máis sobranceiros da literatura galega. O máis editado, lido e traducido. O que todos lembramos con tenrura. O que todos asociamos con algunha vivencia propria ou herdada.

Un espectáculo emotivo e divertido que combina a experiencia de Cándido Pazó como autor, actor e director, coa súa recoñecida traxectoria como contador de historias e monologuista.

A estilización formal do teatro e a comunicación fresca e directa do monólogo cómico e a xograría oral, na senda de Darío Fo, El Brujo, Pepe Rubianes…

Un espectáculo de gran atractivo visual, apoiado por un coidado traballo de videocreación que, combinado cunha elaborada iluminación, debuxa unha suxestiva escenografía das emocións. Un espectáculo no que cada momento e cada situación ten a súa sonoridade da man dunha proposta musical composta para a ocasión.

• Adaptación e textos complementarios: Cándido Pazó
• Cómico – narrador: Cándido Pazó
• Escenografía, vestiario, atrezzo: Carlos Alonso
• Iluminación: Afonso Castro
• Música orixinal: Manuel Riveiro
• Videocreación: Nano Besada Caneda e Ruben Vidal “Zé”
• Construcción Escenográfica: David Fuentes
• Deseño gráfico: Alberto Gende
• Axudante de dirección: Afonso Castro
• Produción: Belén Pichel
• Dirección escénica adxunta: Avelino González
• Dirección: Cándido Pazó